2015 jylǵy 26 aqpan, Astana, Úkimet Úıi
«Qarjy monıtorıngi jónindegi ýákiletti organnyń suratýy boıynsha Qazaqstan Respýblıkasy memlekettik organdarynyń ózderiniń aqparattyq júıelerinen jáne resýrstarynan málimetter berý qaǵıdalaryn bekitý týraly» Qazaqstan Respýblıkasy Úkimetiniń 2012 jylǵy 23 qarashadaǵy №1483 qaýlysyna ózgerister engizý týraly
Qazaqstan Respýblıkasynyń Úkimeti qaýly etedi:»
1. «Qarjy monıtorıngi jónindegi ýákiletti organnyń suratýy boıynsha Qazaqstan Respýblıkasy memlekettik organdarynyń ózderiniń aqparattyq júıelerinen jáne resýrstarynan málimetter berý qaǵıdalaryn bekitý týraly» Qazaqstan Respýblıkasy Úkimetiniń 2012 jylǵy 23 qarashadaǵy №1483 qaýlysyna (Qazaqstan Respýblıkasynyń PÚAJ-y, 2012 j., № 80, 1190-qujat) mynadaı ózgerister engizilsin:
kirispe mynadaı redaksııada jazylsyn:
«Qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl týraly» 2009 jylǵy 28 tamyzdaǵy Qazaqstan Respýblıkasy Zańynyń 18-baby 2-tarmaǵynyń 3) tarmaqshasyna sáıkes Qazaqstan Respýblıkasynyń Úkimeti qaýly etedi:»;
kórsetilgen qaýlymen bekitilgen Qarjy monıtorıngi jónindegi ýákiletti organnyń suratýy boıynsha Qazaqstan Respýblıkasy memlekettik organdarynyń ózderiniń aqparattyq júıelerinen jáne resýrstarynan málimetter berý qaǵıdalarynda:
1-tarmaq mynadaı redaksııada jazylsyn:
«1. Osy Qarjy monıtorıngi jónindegi ýákiletti organnyń suratýy boıynsha Qazaqstan Respýblıkasy memlekettik organdarynyń ózderiniń aqparattyq júıelerinen jáne resýrstarynan málimetter berý qaǵıdalary (budan ári – Qaǵıdalar) «Qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl týraly» 2009 jylǵy 28 tamyzdaǵy Qazaqstan Respýblıkasy Zańynyń 18-baby 2-tarmaǵynyń 3) tarmaqshasyna sáıkes ázirlendi jáne qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl jasaý maqsatynda Qazaqstan Respýblıkasy memlekettik organdarynyń ózderiniń aqparattyq júıelerinen jáne resýrstarynan málimetterdi Qazaqstan Respýblıkasy Qarjy mınıstrliginiń Qarjy monıtorıngi komıtetine (budan ári – Komıtet) berý tártibin aıqyndaıdy.».
2. Osy qaýly alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.